Google шинэ Android Marshmallow гарах өдрийг зарлалаа

Google Android 6.0 Marshmallow шинэ үйлдлийн систем болон шинэ Nexus утсыг есдүгээр сарын 29-нд танилцуулна

Google компани Android 6.0 Marshmallow гэх Android утасны үйлдлийн системийн сүүлийн үeийн загвараа дэлгэх өдрөө зарлалаа. Уг систем анх тавдугаар сард Google I/O хурлын үед танилцуулагдсан билээ. Одоо гарах хувилбар нь шинэчлэгдээд зогсохгүй Android Pay картгүйгээр тооцоо хийх үйлдэлтэй болсон. Түүний хурууны хээ унших болон үйлдлийн систем, санах ойд олон төрлийн өөрчлөлт оруулжээ. Сан Францискод есдүгээр сарын 29-нд болох Google-ийн хурлын үеэр энэхүү үйлдлийн системийг нийтэд дэлгэхээр товложээ. Мөн хэвлэлүүд мэдэгдэж буйгаар Google ухаалаг утасны Nexus 5 болон Nexus 6 загварууд гаргахаар зэхсэн бололтой. Тэгэхээр одоо Android-той хүмүүс Google-ийн албан ёсны сувгаар танилцуулах хурлыг шууд дамжуулан үзүүлэхийг хүлээх л үлдлээ.