Кофешейминг: Кофе уудаг хүмүүс шүүмжлэлд өртөж байна
Залуус сая, сая ам.долларыг шууд утгаараа "урсгаж байна" гэжээ
Алдарт санхүүгийн зөвлөх Сьюзи Орман CNBC телевизийн шууд нэвтрүүлгийн үеэр Америк залуусын үрэлгэн занг шүүмжилсэн байна. Түүний үзэж буйгаар өдөр бүр аяга кофе худалдан авах нь ямар ч ашиггүй, шаардлагагүй зардал гэжээ.
Мэргэжилтний тооцоолсноор Starbucks сүлжээний энгийн нэг үйлчлүүлэгч кофе уухын оронд энэ мөнгөө цуглуулбал 40 жилийн дараа гэхэд ойролцоогоор нэг сая ам.доллартай болох гэнэ.
Залуус энэхүү шүүмжлэлийн хариуд сар бүр кофе шопод үрдэг 100 ам.доллар бус харин байрны зээл, оюутны зээл зэрэг нь тэдний төсөвт хүндээр тусдаг болохыг онцолсон байна.
