Москва хотноо баригдах “Эрмитаж” музейн төсөл батлагдлаа

Москвагийнхан “Эрмитаж” музейн салбарыг хотынхоо урлагийн нэг том төв болгохоор байршлыг тодорхойлж, гэрээг үзэглэжээ

Алдарт "Эрмитаж" музей салбараа Москвад нээх нь батлагдлаа. Эрмитаж нь ОХУ-ын Выборг, Казань, Голландын Амстердам хотод салбартай байсан юм.  Тэгвэл энэ шинэ салбар нь Москвагийнханы хувьд туйлын том баярт үйл явдал болж байна. Эрмитажийн барилгыг Америкийн Asymptote Architecture компанийн архитектор Хани Рашид, Лиз Анн Кутюр нарт даатгажээ.  Музейн арван таван давхар харшийг орчин үеийн материалаар барьж, 2020 оны орчим ашиглалтанд оруулах нь ээ.  Asymptote Architecture-ийн Instagram хуудсаас гайхамшигт төслүүдийг нь хараад л  Москвагийн "Эрмитаж"  уран барилгын ямар  агуу бүтээл болон сүндэрлэхийг төсөөлж болно.