Lanvin шинэ бүтээлч захирлаа албан ёсоор танилцууллаа

Lanvin загварын ордны эмэгтэй хувцасны бүтээлч захирлаар Бухра Жаррар ажиллахаар болжээ

Lanvin-ы эмэгтэй хувцасны загварын бүтээлч захирлаар Бухра Жаррар ажиллана гэх цуу яриа батлагдлаа. Lanvin-ы шинэ бүтээлч захирлын анхны ажил нь ирэх жилийн хавар-зуны цуглуулга байх юм. "Түүний загварууд компанийн өнгө аяс, хэв маягт бүрэн нийцэж байгаа" хэмээн тус брэндийн захирал Мишель Уибан хэлээд мөн нэмж, "Түүний өндөр ур чадвар, авьяас брэндийн бүтээгдэхүүнд шинэчлэлийг авчрахын сацуу францын загварын бэлгэ тэмдэг, Парисын эртний загварын ордны өнгө аясыг хадгалан үлдэх болно" хэмээн ярьжээ.