Лили-Роуз Депп Chanel-ын шинэ сурталчилгаанд

Шинэ сурталчилгааны анхны зургийг Лили-Роуз Депп өөрийн Instagram хуудсандаа нийтлэлээ

Залуу модель ба жүжигчин, домогт Chanel №5 L'Eau шинэчилсэн хувилбарын нүүр царай Лилли Роуз өөрийн Instagram хуудсаар дамжуулж сурталчилгааны анхны зургийг сонирхууллаа. Жонни Деппийн үзэсгэлэнт охин зургийнхаа доор "Chanel-ын хамт олонд маш их баярлалаа. Энэ бол миний хувьд нэр төрийн хэрэг" хэмээн бичжээ. Түүхэн үнэ цэнэтэй, дэлхийн хамгийн нэр хүндтэй Chanel брэнд өөрийн хамгийн чухал бүтээгдэхүүнийхээ нүүр царайгаар загварын ертөнцөд дөнгөж хөл тавьж буй 17-хон настай залуу охин сонгож байгаа нь үнэхээр л Лили-Роузын хувьд маш том аз юм.

Зураг авалтыг Карим Садли хариуцаж ажилласан байна. Сурталчилгааны бүрэн хувилбар есдүгээр сард олонд дэлгэгдэнэ.