Энэ жилийн Met Gala үдэшлэг дизайнер Рей Кавакубогийн нэрэмжит авангард сэдвээр зохион байгуулагдсантай холбогдуулан зарим алдартнууд тохиромжтой төрх бүрдүүлж чадалгүй, төөрөгдөлд орлоо. Тэд этгээд төрх бүрдүүлэх зорилгодоо хэтэрхий автаж, тун амжилтгүй сонголтууд хийсэн байлаа. Зарим нь хэтэрхий хичээсэн бол, зарим нь эсрэгээрээ үдшийн сэдвийг бүхэлд нь үл ойшоож, гоёмсог хэдий ч арга хэмжээнд огтхон ч тохиромжгүй даашинз сонгосон байв. Ерөнхийдөө "хамгийн амжилтгүй төрхүүдийн" жагсаалтад багтсан ихэнх одууд яг л "Оскар"-т хүрэлцэн ирсэн мэт, улаан хивсээ андуурсан харагдлаа.