“Парис хотоос дэлхийд”: Dior брэндийн шинэ үзэсгэлэн

Даллас хотын урлагийн музей Dior брэндийн үүсэл, түүхийг харуулсан "Диор: Парис хотоос дэлхийд" нэртэй үзэсгэлэнг нээлээ. Энэхүү үзэсгэлэнд үе үеийн бүтээлч захирлуудын зурсан хар зургууд, архив зургууд болон 200 гаруй загварууд дэлгэгджээ. Dior загварын ордны тухай олон үзэсгэлэн нээлтээ хийдэг ч энэ удаагийн үзэсгэлэнгийн дотоод заслыг архитектор Эдуард Ларабе Барнс тохижуулснаараа онцлог болсон юм. Үзэсгэлэн тавдугаар сарын 19-нөөс есдүгээр сарын 1 хүртэл АНУ-ын Даллас хотын урлагийн музейд гарахаар болжээ.