Puma брэнд Forever 21 ба Topshop-ыг бүтээлийн хулгайн хэрэгт буруутгалаа

Puma брэнд саяхан бүтээлийн хулгайн хэргээр шүүхэд гомдол гаргалаа. Тэдний мэдэгдэж буйгаар масс зах зээлийн зарим брэндүүд дуучин Рианнагийн Puma-д зориулж гаргасан Fenty x Puma хавар-зун 2017 цуглуулгыг зөвшөөрөлгүйгээр хуулбарласан байна.

Puma-гийн мэдэгдэлд Topshop брэнд сандаал ба пүүзний дизайныг хуулбарлаж, харин Forever 21 зузаан ултай гутлыг дуурайн гаргажээ. Рианнагийн бүтээсэн жинхэнэ загваруудын үнэ $80 доллараас эхэлж байхад дээрх масс зах зээлийн брэндүүд хуулбар загварыг $18-$25 долларын хооронд үнэлж байна.

Forever 21 сүлжээ дэлгүүрийг өмнө нь Diane von Furstenberg, Anna Sui, Trovota гэх зэрэг нийт 50 гаруй брэнд бүтээлийн хулгайн хэрэгт буруутгаж байсан түүхтэй.