Рианна Savage x Fenty брэндийнхээ дотуур хувцасны сурталчилгаанд тоглолоо

Рианнагийн үүсгэн байгуулсан Savage x Fenty дотуур хувцасны брэндийн шинэ цуглуулгын загварын шоу есдүгээр сард болж өнгөрсөн Нью-Йоркийн загварын долоо хоногийн үеэр зохиогдсон билээ. Тухайн үед дуучин ба дизайнер бүсгүй шинэ цуглуулгаа төрөл бүрийн гаднах төрхтэй дэлхийн бүх эмэгтэйчүүдэд зориулан бүтээснээ онцолж байсан юм. Тэгвэл уг цуглуулгын сурталчилгаанд Рианна өөрийн биеэр оролцжээ.

Сурталчилгааны зураг болон бичлэг дээр Рианна цагаан өнгийн торон дотуур хувцсыг тунгалаг гивлүүртэй хослуулан өмссөн харагдана.

Шинэ цуглуулга Savage x Fenty брэндийн албан ёсны вебсайт дээр худалдаалагдаж байна.