Эмэгтэйчүүдийг магтан дуулж эрхийг нь хамгаалах гуравдугаар сарыг тохиолдуулан бид Michael Kors Бүсгүйгээс урам зориг аван нэгэн бүтээлч зураг авалтыг хийж гүйцэтгэлээ.

Цаг үе өнгөрөхийн хэрээр эмэгтэйчүүдийн нийгэмд эзлэх байр суурь улам бүр бэхэжсээр өнөөдөр бид хэнээс ч үл хамааран өөрсдийгөө хүссэнээрээ тодорхойлох эрх чөлөөтэй болсон байна. Эмэгтэй хүн хүсвэл уян зөөлөн, мөрөөдөмтгий. Хүсвэл хатуу чанга, шийдэмгий. Хүсвэл эрх дураараа, хөгжилтэй. Хүсвэл үүнээс ч олон тодорхойлолтуудыг өөртөө агуулсан. Хүсвэл бүр ямар ч тодорхойлолтгүйгээр зүгээр л өөрийнхөө ертөнцдөө байх бүрэн эрхтэй. Биднийг ямар ч байдлаар тодорхойлсон бай жендэрийн эрх тэгш байдлыг одоо няцаах боломжгүй. Биднийг ямар ч салбарт хүчирхэг байж чадахыг үгүйсгэх аргагүй. Үүнийг зөвхөн гуравдугаар сард гэлтгүй өдөр бүр магтан дуулмаар...

Орчин үеийн эмэгтэйн олон талт гоо үзэсгэлэнг харуулсан энэ удаагийн зураг авалтад Michael Michael Kors брэндийн хавар-зун 2022 улирлын шинэ загварууд орсон бөгөөд шинэ цуглуулгын хувьд урьд өмнөхөөсөө илүү төрөлжсөн, стиль болоод өнгөний өргөн сонголттой болсноороо онцлог юм. Романтик бохо загварын торон даашинзуудаас эхлээд эрэгтэй эсгүүртэй сул хослолууд, спортлог oversize цувнууд, мөнхийн классик шулуун пальтонууд, мөн секси богино даашинзууд өнгө, өнгөөрөө брэндийн Шангри-Ла Молл дахь албан ёсны дэлгүүрт өрөгдсөн байна. Цүнх болон гуталнуудын хувьд яг одоо загварын салбарыг байлдан дагуулж буй монограм хээтэй авсаархан жижиг загварууд, эсрэгээрээ илүү дутуу детальгүй минимал хувилбарууд, юутай ч зохицох гоёмсог лоферууд, мөн намхан өсгийтэй дэгжин туфлинууд иржээ. Өөрөөр хэлбэл хүссэн дүр төрхөө бүрдүүлэх, өөрийгөө хүссэнээрээ илэрхийлэх боломж бий.

Бүх эмэгтэйчүүддээ зориулж байна.