Энэ хаврын 28 даашинз

Урин дулаан хаврын улирлыг гоёмсог шинэ даашинзгүйгээр төсөөлшгүй билээ. Жил бүрийн өдийд тренд болдог уламжлалтай цэцгэн хээтэй даашинз энэ онд өвдөг давсан урттай, бэлхүүс тодотгосон загвартай болсон бол, дэгээ зүүгээр нэхсэн пастель өнгийн романтик даашинзууд шинээр моданд орлоо. Ерөнхийдөө хавар-зуны улиралд дизайнерууд олон төрлийн даашинз санал болгосон тул хамгийн гол нь цаг агаарт тохируулан даашинзынхаа материалыг зөв сонгох нь чухал. Тухайлбал аагим халуунд аль болох синтетик агуулаагүй байгалийн гаралтай даашинз тохиромжтой бол, бусад үед торгон, даавуун, нэхмэл гээд хүссэн загвараа сонгон нарийхан оосортой сандаал, ковбой гутал, кет зэрэг төрөл бүрийн гуталтай хослуулж болно.