Хоёрдугаар сарын 1-ээс гуравдугаар сарын 6-ны хооронд Нью-Йорк, Лондон, Милан ба Парис гэх дэлхийн загварын нийслэл хотуудад намар-өвөл 2018 улирлын загварын долоо хоног өрнөж байна. Одоогийн байдлаар эхний гурван хотын танилцуулга өндөрлөж, ихэнх томоохон дизайнерууд шинэ цуглуулгаа дэлгээд амжсан тул бид 2018 онд хүчээ авах үндсэн трендүүдийг тодорхойлж байна. Тэр дундаа гар цүнхний дизайн сүүлийн жилүүдэд бүр ч  сонирхолтой болж, брэндүүд улам л этгээд хувилбарууд гаргадаг болжээ. Хувин хэлбэрийн гар цүнх, аварга том шоппер, гялалзсан хатгамалтай клатч, мөн мэдээж хэрэг энэ оны гол загвар болох паска цүнх зэрэг нь бид бүгдийн барьж заншсан энгийн дөрвөлжин хэлбэртэй цүнхийг ор тас мартагдуулах болно.