Осло хотод эхлээд дараа нь Копенгагенд үргэлжилж, эцэст нь Стокгольм хотод зохион байгуулагдсан Скандинавын загварын долоо хоног ийнхүү өндөрлөлөө. Стокгольмын тайзнаа Filippa K ба Our Legacy гэх дэлхийд танигдсан брэндүүд шинэ цуглуулгаа танилцуулсан хэдий ч хүн бүрийн анхаарал скандинав бүсгүйчүүдийн street style хувцаслалт дээр төвлөрсөн байв. "Бага байх тусмаа сайн" гэх зарчмыг баримталдаг тэд хамгийн энгийн жийнсэн өмд ба цагаан сорочкан цамцыг хүртэл бусдаас өвөрмөц байдлаар өмсөж байгаа мэт харагдана.