Glastonbury хөгжмийн наадам дээрх street style

Их Британи улсын алдарт Glastonbury хөгжмийн наадам зургаадугаар сарын 21-25 хооронд болж өнгөрлөө. Үргэлж бороо орон шавар шавхай бий болж байдаг энэхүү наадмын орчинд загварлаг хувцаслахад хүндрэлтэй байдаг ч, бидний сайн мэдэх алдартнууд ямар ч нөхцөлд төгс хувцаслалт бүрдүүлж чаддаг авьяастай билээ.

Энэ жилийн 49 дэх удаагийн Glastonbury наадам дээр Марго Робби, Кара ба Поппи Делевинь, Алекса Чанг болон бусад үзэсгэлэнт бүсгүйчүүд үзэгдлээ. Усны гутал, богино жийнсэн шоорт, үүргэвчтэй цүнх болон олон өнгийн линзтэй нарны шилнээс бүрдэх тэдний төрх хичээл зүтгэл гаргаагүй хэрнээ наадмын уур амьсгалд төгс уусаж байлаа. Ингээд Монголд тун удахгүй Playtime хөгжмийн фестиваль болох гэж буй энэ үед доорх street style зурагнуудаас санаа аван өөрийн хувцаслалтыг эртнээс төлөвлөөрэй.