Өөрсдийгөө тусгаарлан карантины өдрүүдийг гэртээ өнгөрүүлж байгаа энэ үеийг илүү үр бүтэлтэй болгох үүднээс хувцасны шүүгээгээ цэгцлэн, бүрдүүлж болох загварлаг төрхүүдийг эртнээс бэлдэж тавихыг уриалж байна. Карантин дуусах үед гадаа хангалттай дулаахан болсон байх тул бид энэ удаагийн street style буландаа свитер, кардиган болон сүлжмэл нөмрөгийг онцлон хэрхэн гадуур хувцасны оронд загварчилж болохыг харууллаа. Зузаан ноосон цамцыг савхин пиджакан дээр давхарлаж өмсөх, свитерийг ороолт мэт загварчлах гээд олон сонирхолтой санаанууд бий шүү.