Теннисийн стильтэй сул эсгүүрийн даашинзыг хөлд эвтэйхэн дөрвөлжин өсгийтэй сандаалтай хослуулж, гуталтайгаа ижил өнгийн том цүнх барьснаар маш цэмцгэр, зуны төрх бүрдэнэ. Цагаан өнгийн гутал нь төрхийг амилуулж, өнгөлөг харагдуулах болно.

Тод өнгийн деталиудаар чимэглэсэн цайвар шаргал сүрлэн цүнх нь байж болох хамгийн зуны хэв маягтай загвар юм. Харин ийм төрлийн цүнхтэй хослох эрвээхий зангилаатай богино топ болон тод өнгийн сандаал нь мөн л зуны зугаатай уур амьсгалыг бий болгох ба сул эсгүүртэй саармаг өнгийн кюлот өмд сонгосноор төрхөө тэнцвэржүүлж өгөөрэй.

Шуудай загварын багтаамж сайтай цүнх нь зангилаатай деталиудын ачаар илүү эмэгтэйлэг харагддаг. Ийм ч учраас цүнхээ ижил төрлийн зангилаатай романтик топ, анхаарал татам том ээмэг, шулуун жийнсэн өмд болон mule гуталтай хослуулан франц төрх бий болгох боломжтой.