Олон үйлдэлтэй ширээний чийдэн
Энэ жилийн iSaloni үзэсгэлэнд танилцуулагдсан биоэтанол түлш гэрэлтүүлгийн салбарт хувьсал хийж байна
Аргентин гаралтай Итали дизайнер Франциско Гомес Пацын зохион бүтээсэн байгаль орчинд ээлтэй ширээний гэрэл дотроо олон хэрэгтэй үйлдлүүдийг багтаажээ. Тухайлбал, энэхүү чийдэн зөөлөн LED гэрлээр гэрэлтэхийн зэрэгцээ таны гар утсыг цэнэглэх бөгөөд хамгийн гайхалтай нь огт цахилгаан хэрэглэхгүй гэнэ.
Энэхүү төхөөрөмж нь эрдэнэ шишнээс гаргаж авсан биоэтанол гэх түлшээр ажилладаг бөгөөд элдэв үнэр болон утаа ялгаруулдаггүй тул гэртээ санаа зоволтгүй асааж болно. Уг ширээний гэрэлд Candela lamp гэдэг нэр өгсөн бөгөөд эртний тосон дэнлүүний шинэчилсэн хувилбар гэж хэлж болох юм.
Candela lamp-ыг Дани, Италийн хамтарсан Astep брэндэд зориулан бүтээгдсэн ба гаднах загвар нь ч Скандинавийн орнуудын хэв маягтай болсон харагдана.
Бусад Нийтлэлүүд
Buro 24/7-гийн сонголт
Редакторын Сонголт
Buro 24/7-гийн сонголт