Gucci брэндийн аяллын цуглуулгын загварын шоу Флоренц хотын хамгийн том музейн цогцолбор Палаццо Питтид байрлах Палатина галерейд зохион байгуулагдлаа. Тус галерейд Рубенс, Тинторетто, Караважо нарын уран бүтээлээс гадна Рафаэлийн 11 зураг хадгалагддаг юм. Аяллын цуглуулгын загварын шоуг сонирхохоор Мария Грация Кьюри, Сюзи Менкес, Дакота Жонсон, Жаред Лето, Кирстен Данст болон бусад алдартнууд цугларчээ.