Лос Анжелес дахь The Hammer Museum гала оройн зоогны зочид

Хүмүүнлэгийн ажилтнууд, урлагийн бүтээл цуглуулагчид ба алдартнууд Лос Анжелес хотод цугларч The Hammer Museum-ийн 14 дэх удаагийн гала оройн зоогт оролцлоо

Энэхүү ёслолын арга хэмжээний түншээр Bottega Veneta брэнд дахин хамтарчээ. Италийн тансаг зэрэглэлийн брэнд урлаг, соёлын хөгжилд өөрсдийн хувь нэмрээ оруулахаар дөрөв дэх жилдээ ивээн тэтгэгчээр ажилласан байна. Энэ удаад тус музейн гала оройн зоогийг уран бүтээлч Лори Андерсон ба Оскарын шагналт найруулагч Тодд Хейнс нарыг хүндэтгэн зохион байгуулжээ.

Хүлээн авалтыг жүжигчин Жоди Фостер ба Александра Хедисон нар удирдсан ба арга хэмжээний зочдын дунд Алессандра Амбросио, Эмма Робертс, Том Форд, Сара Полсон болон бусад алдартнууд харагдлаа.