Хувцас загварын шилдгүүдийг шалгаруулдаг CFDA Awards шагнал гардуулах ёслол Нью-Йорк хотын Бруклиний музейд зургаадугаар сарын 4-ний өдөр болж өнгөрлөө. Америкийн загвар зохион бүтээгчдийн зөвлөлөөс зохион байгуулдаг уг шагнал гардуулах ёслолд хувцас загвар болон урлагийн салбарын нөлөө бүхий эрхмүүд загварлаг, донжтой дүр төрх бүрдүүлэн оролцдогоороо алдартай билээ. Дашрамд дуулгахад энэ жилийн наадмын улаан хивсийг хог хаягдлыг дахин боловсруулах аргаар гаргаж авсан бөгөөд "байгальд ээлтэй улаан хивс" хэмээн онцгойрч байна.