Бие даасан үзэсгэлэн, сонгодог жүжиг болон чимэглэл бэлтгэх сургалт
Шинэ долоо хоногийн мэнд! Уламжлал ёсоор энэ долоо хоногт тохиох гол үйл явдлуудыг хүргэж байна.
Арванхоёрдугаар сарын 10-17, MN Арт галерей
Холимог техник ашиглаж, ер бусын бүтээлүүд туурвидаг уран бүтээлч Б.Дөлгөөн энэ удаад “Soul” хэмээх нэртэй бие даасан үзэсгэлэнгээ олон нийтэд дэлгэлээ. Тэрээр 2022 онд Францын нийслэл Парис хотноо гурван сарын турш зохион байгуулагдах “Cité internationale des arts” хөтөлбөрт Монгол Улсаа анх удаа төлөөлөн оролцохоор шалгараад байгаа билээ. Сонирхсон хүн бүхэн үзэсгэлэнд хүрэлцэн ирснээр түүний бүтээлээс худалдан авч, уран бүтээлчийг дэмжих боломжтой гэдгийг галерейн төлөөлөгчид онцолж байна.
Такстай
Арванхоёрдугаар сарын 15-19, Улсын Драмын Эрдмийн Театр
Дэлхийн утга зохиолын үнэт эрдэнэ болсон Л.Н.Толстой зохиолчийн “Анна Каренина” роман Улсын Драмын Эрдмийн Театрын тайзнаа ахин нэг удаа амилах гэж байна. Жүжгийг алдарт Н.Наранбаатар найруулж, гол дүрүүдийг Н.Баярмаа, Т.Сэргэлэн, Б.Жаргалсайхан зэрэг хүндэт жүжигчид бүтээх юм. Тасалбар салхины хурдтай борлуулагдаж байгаа тул та яараарай.
Төлбөртэй
Арванхоёрдугаар сарын 18, UB Comedy Club
UB Comedy Club шинэ жилийн баярт зориулан тусгай хөтөлбөр бэлтгэсэн байна. Ирэх Бямба гарагт үзэгчид амтат хоол, халуун дарс зооглох зуураа комедиан Баяраа, 290, GINJIN, Mrs M, комедиан Жак зэрэг уран бүтээлчдийн тусгай үзүүлбэрүүдийг хүлээн авах юм. Түүнчлэн зочид хөгжөөнт тоглоом, бүжиг зэрэг сонирхолтой үйл ажиллагаанд оролцох боломжтой гэнэ.
Төлбөртэй
Арванхоёрдугаар сарын 18, Little heaven in UB
Хүүхэд багачууд төдийгүй насанд хүрэгчдэд өөрсдийн гараар гацуурынхаа чимэглэл болон тоглоомыг урлах сайхан боломж гарч ирлээ. Халуун кофе, амтат жигнэмэг идэх зуураа дотны хүмүүстэйгээ цагийг сайхан өнгөрүүлээрэй.
Төлбөртэй
Бусад Нийтлэлүүд
Buro 24/7-гийн сонголт
Редакторын Сонголт
Buro 24/7-гийн сонголт