Мөрөөдлийн зүйл: "Friends" цувралаас сэдэвлэсэн гэр ахуйн эдлэлүүд

"Friends" цувралын шүтэн бишрэгчдэд сайхан мэдээ дуулгаж байна! Гэр ахуйн эдлэлийн Pottery Barn компани Нью-Йорк хотод амьдардаг зургаан найзын хөгжилтэй түүхийг өгүүлдэг "Friends" цувралын 25 жилийн ойд зориулан капсул цуглуулга худалдаанд гаргажээ.

"Pottery Barn x Friends" цуглуулгад аяга, алчуур, хивсэнцэр, дэр зэрэг гэр ахуйн эд зүйлс багтсан байна. Мөн цувралын нэг ангид Рэйчелийн Pottery Barn дэлгүүрээс худалдан авдаг алдарт ширээ ч энэхүү цуглуулгад орсон байгаа юм. "Friends" цувралын төрөл бүрийн зураг, үгстэй аяганууд 14,50 ам.долларын үнэтэй бол дэрнүүд 29,50 ам.доллараас эхлэн худалдаалагдаж байна. Харин ширээг та 1,099 ам.доллараар авах боломжтой.