Хатан хаан II Элизабет зул сарын баяраар ажилтнууддаа ямар бэлэг өгдөг вэ?

Их Британийн хатан хааны гэр бүлд олон зуун дамжин хэрэгжиж байгаа маш олон уламжлал, заншил бий гэдэгтэй хэн ч маргахгүй биз ээ. Үүний нэг бол II Элизабетийн ажилтнууддаа барьдаг зул сарын бэлэг юм. Хатан хаан Элизабет жил бүрийн зул сарын баяраар өөрийн 1,500 ажилтандаа пудинг ба өөрийн гараар бичсэн баярын ил захидал бэлэглэдэг уламжлалтай гэнэ.

Энэхүү уламжлалыг II Элизабет хатны өвөө болох V Жорж хаан эхлүүлжээ. Тиймээс зул сарын баярын энэхүү уламжлал нь 100 гаруй жил дамжин хэрэгжиж байгаа юм.

Сонирхуулахад хатан хаанд маш удаан хугацааны турш зүтгэж байгаа ажилтнуудад II Элизабет тус бэлгийг өөрийн биеэр гардуулдаг гэнэ.