Гадаа огцом дулаарч хүмүүс олон давхар хувцсаа нимгэлж эхлэн "хавар боллоо!" хэмээн баярлаж байтал Монголын цаг агаар өчигдөр шинэхэн цасаар гэнэтийн бэлэг барилаа. Тэнгэрт зөөлөн хаялах цасан ширхгүүд агаарт хуралдсан утаа, шороо, тоосыг ор мөргүй арчин хаяж, цэвэр агаар бэлэглэхийн зэрэгцээ коронавирусын тархалтаас болж түгшүүрт автсан нийслэлчүүдэд хэсэг хугацаанд ч болов бодол цэгцлэх тайван амгалан уур амьсгал бүрдүүлж өгсөн юм.